واتزيد حضاره ووزن على اوزان
مصر مش اسم بس ولا هيه المكان
مصر مواطن وحب بين الناس
مايتلونوش الوان
اه ياوطن يامتهان كنت انت اللى
الكل يعملك الف حساب
والمصرى كان عنوان
لا عمره باع اخوه
ولا عشان مصلحه يكون جبان
وطنا احنا سكانه عضينا فى بعض
وطنا احنا عنوانه
قتلنا بعض
والدم عاد سيان
اه ياوطن يامتهان
ياللى كنت وطن بتسعنا
لاحد عامل هويه
ولاكنت ياوطن تضيعنا
كلنا كنا واحد زائد واحد
زائد واحد كلنا جميعنا
يوم نصرك ياوطن كان بيبقى
عيد ويبقى يوم ربيعنا
الكل كان له قيمه كبيرنا ولا رضيعنا
واحد زائد واحد زائد واحد جميعنا
كلنا كان باشوش الابتسامه
الضحكه اللى فى مواضيعنا
قلى ياوطن ايه تانى ممكن يجمعنا
قلى ياوطن***ياللى كنت وقت الخطر بتسيعنا
واحد زائد واحد زائد واحد الكل جاميعنا
هنستنا ياوطن ام اجنبيه تانيه غيرك لترضعنا
ولا نستنا ياوطن حد غيرك ينسم مواجعنا
اه يامصر ياللى كنتى حلم ايامى
يوم ورا يوم ساعتى قبل عامى
كل خطوه كنت اعملها كنت
الاقى صورتك قدامى
اه يامصر ياحلم ياعلم كنتى الهامى
دلوقتى حب الوطن مش من القلب دلوقتى جبرى والزامى
لوقلت كلمة حر خايف تكون سبب لاعدامى
تخضع تركع
يلعنوا كل احلامى
علمك ياوطن عادر مرصع دم
وجوك ياوطن مشحون حقد وغيظ وهم ودم
كله ياوطن مصالح
امال ياوطن يامكسور مين بيك يهتم
/////وعجبى شعر السيد العوام
ليست هناك تعليقات:
إرسال تعليق