هقول كلامى يعنى عن القوارير
ولبس الشفتشى وانواع الحرير
والرائحة الفواحة وجمال العبير
والشمعة المضائة على قطعة فطير
والالوان السندسى والكليش اشى
على كل سرير
والكلمة الطرية وحلاوة التعبير
ونظرتها اللئيمة ودمعها الغزير
ارجع والاقى نفس المصير
ولما احلف ما ارجع اجرى عليها
والاقينى بطير
واحمر عينية وارفع حواجبى
على انى بغير
خلاص نويت ابقى شرير
واخبى عواطفى وادارى انفعالى
وابقى مكشوف لردارها الكبير
مأنا خلاص ببنت حوا اكبر خبير
واخلى نارها يبقى تلج واهدى انفعالها
واهدى النذير
واخدها فى حضنى اسمعها قلبى
واخليها تعرف بأنى ليها كنت الجدير
واهدى خاطرها واشم فى عبيرها
واخليها تعرف الدنيا بخير
اهدى انفعالى وتبقى قبالى تسوى
كتير
مش قلت ليكم خلاص نويت ابقى شرير
وابقى مش لاقى معاها ماتفرق وابقى
فى عينيها ولا اكبر وزير
وابقى رجالها وابقى كبيرها
وغيرى الصغير
واخلى حياتها واعوضها اللى
فاتها واخلى نفسى زخة عبير
واديها حبى واديها قلبى
وان كانت بتحبنى
حبى ليها اكبر كتير
واغير من حالى
واحلى خيالى واخد منها
شهادة تقدير
مش قلت ليكم انى شرير
السيد السيد على
ليست هناك تعليقات:
إرسال تعليق