مكملين

هنسامح مين ولا مين لما يموت
زميلى على ايدى
ويتبندق ناس تانيين
انتى حاسه لما شيلته
على ادراعى
وقاللى اهرب دول
ناس واطيين
ولما لميته لصدرى واصرخ
فى ناس قاتلين
بدك انتى اللى نايمه
فى بيتك منى اسامح
اسامح على دم
مين ولا دم مين
احنا كنا من الظلم خارجين
نطالب بحقوقك وعارفين
اننا للموت رايحين
جابولى الحرامى والبلطجى
يقتلنى ايسبلى الدين
نسخه بالكربون كل اللى
فى السلطه شياطين
وعاوزانى اسامح رجعى
سامح وبنات زيك كده رياحين
ورد غنى فى جناينا
ومن الثوره مهماش مستفيدين
عاوزانى اسامح واحنا
ع المدابح مرصوصين
الحق ظاهر للاعمى وعن
الحق محناش تايهين
انا اسامح لوكان عمل لنا
زى ماعمل لاولاده
وماخلاش فى البلد ناس
من ضيم العيش باكيين**
*وهوه بياخد من قوتنا
يهربها مليارات وملايين
هتقولى نتسامح وعن
الحق نتسامح
طيب صاحب الحق
هنجيبوا منين
كنا ساعة العركه فى
قفص محشورين
وجابوا لنا الجمال والمعتوهين
انا امسامح انا فى حقى
مين هيجيب حق اللى
بالغدر دول ميتين
انا هأموت عشان خاطرك
وعلشان خطرك مكملين
السيد العوام