مصر يا امى ياتكيه

مصر يا امى ياتكيه
لا ناسك اهلك ناسك
كل همهم جلبيه
ولقمه حلوه متنقيه
رجعنا وادينا رجعنا للوسيه
باشواتك باهواتك
اشتروها دبروها خلاص تكيه
واهى اتلغت المجانيه
وسادت تانى المحسوبيه
يامصر لما ولادك بيسرقوا الكوبانيه
دولا ابدا مش مصراويه
لما ضاعت فيكى الانسانيه
تشتريهم يابلدنا واتبيعينا
لما يتلضا ع العلاج اهالينا
ولما يمزتوا قهرا على ايه بتواسينا
ولسه طالب ازاى الوطنيه تبقى فينا
احكى على شباب جاى لاهله فى تابوت
كل حلمه الجلبيه
يغرق فى البحار يموت
وغيره يتمتع فى الفلل واليخوت
والسيارات ام الرموت
تبقا فين الانسانيه
تبقا وسيه ولا مش وسيه
ولا لوحكيتلك على حياتنا اليوميه
والمعاناه اللى فيك ولا اللى فيه
يا اخى دامصر شاخت
يا اخى بلدنا باخت
حتى غيروا اسم الحقانيه
وبيكرموا فى اليهود ويستعروا
من الشخصيات التاريخيه
تبقى واحياتك مش تكيه
وليه ماتبقاش تكيه
ملاليم يعلوا فى الاجور
ولجيبهم ملايين رايحه جايه
واتنادينى بالوطنيه
تبقا فى الانسانيه
لما يمرض امك ولا ابوك
ولا اختك ولا خوك
يبقا علاجهم فين وهيه
برضه تبع التكيه
لما فى الوظايف باشا كبير
يدى لعيلته الاولويه
حتى لو وصلو لمليونيه
خلاص يابيه عرفناها
انها خلاص وسيه
لما عيل محروم كل امله برتقاله
ومش لاقى حق اليوسفنديه
ماهى خلاص ياباشا ما عبوها
فى كروشهم الباشوات
وبيلم من تحتهم الافنديه
نقر وابقلم حبر اغبر
بأنها الان وسيه
///السيد العوام