الكرسى فى ضهر الكرسى
وقدامها كبايه
هيه الحلوه وماسكتها للكاس
حكايه
تتكلم والبسمه مش تفارقها
اه على اعنيها دى لوحدها اجنايه
اتحرك وامشى عشان انسى
قلبى شغال وهيعمل ايه
مشايا
ربك مفصلها لوحديها لا اهداب
ولا قطع ولا زوايا
تشرب الكاس وكل لمسه من
بقها بتقطع جوايا
اه اه اه اه ياعنيه يافضحانى
صباحى بقى مسايا
مش طالب تبقى حاجه
والله بسمه ليه تكون اكفايا
اول مره اعرف الحب والحياه
اول مره اصدق فى النوايا
وكأنى نزل عليه سهم ربى
ونزل عليه الهدايه
اول مره اعرف معنى للحب
وان للحب مش له كنايه
وكأنها احلى البشر
والباقى دول بقايا
واتخيلتها انا وهيه
ع البحر وحدينا رحنا والعبنا
ع البلاج جينا
لوحدنا نلعب متشابكه ايدينا
والعبنا ورحنا قبل ماجينا
لا ايهمنا ناس ولاشوفنا
اللى حوالينا
حتى الحلم عاد صعب
قمت م الحلم قلت ربنا يدينا
لا رحنا ولا سوينا ولاشبكنا
حتى ايدينا حتى الحلم
عاد بيضحك علينا
السيد العوام
ليست هناك تعليقات:
إرسال تعليق